Հայաստանի Հանրապետության Կառավարություն

Մեկը վերահսկիչ պալատի հաշվետվության քննարկումն էր («ՀԺ»-«Կոնգրեսը քնահարամ է անում ԱԺ-ին», «168 ժամ»-«Ատկատի դրույքաչափն իջե՞լ է», «Բարձրագույն, վերահսկիչ և անարդյունավետ»), մյուսը՝ ԱԺ-կառավարություն հարցուպատասխանը («ՀԺ»-«Հ1-ը գրաքննում է ԱԺ հայտարարությունները և հարց ու պատասխանը», «168 ժամ»-Կարևոր է, որ մեր տակից խալին դուրս գա», «Գործուն զղջում», «Ժամանակ»-«ԱԺ-կառավարություն հարցուպատասխանի ներքաղաքական անցքերը», «Հրապարակ»-«Վարչապետին քլնգող ԲՀԿ-ականներն ընդհատակ են անցել», «Օրակարգ»-«Աճը խթանել է չզբաղվածությունը. ֆինանսների նախարարի պնդումը չի բռնում ԱՎԾ տվյալներին», «Ժողովուրդ»-«Հնարովի թվեր՝ անկումների սարսափից»)։
Չբավարարվելով իրենց մտքերը հանրությանը փոխանցելու ԱԺ ամբիոնի ընձեռած հնարավորությունից, որոշ գործիչներ օգտագործել են նաև մամուլի միջոցները. Հրանտ Բագրատյան «Գոնե փորձ անել երկիրը փրկել դեֆոլտից» («Օրակարգ»), Միքայել Մելքումյան «32.500 դրամով դուք կարո՞ղ եք ապրել. ԲՀԿ-ն պետական միջոցների կառավարման իր եղանակներն է առաջարկում» («Առավոտ»)։ Բացի այդ, ԲՀԿ-ն նաև վերահաստատում է, որ ինքը «դիտարկում է բոլոր պաշտոնյաների թույլ տված օրինազանցությունները» («Հրապարակ»)։ «ՀԺ»-ն կարծիք է հայտնում, թե իբր խախտվել է ՀՀ կառավարության 2011թ. պետբյուջեի կատարողականի ԱԺ-ում քննարկելու ժամկետը, «168 ժամը» փոխանցում է տառաստեղծ Ռուբեն Թարումյանի միտքը՝ «Կառավարությունն անտարբեր է հայոց լեզվի խնդիրների նկատմամբ»։