Երեքշաբթի, 12 Հոկտեմբերի 2021
Քաղաքացիական ծառայության պաշտոնի անձնագրով նախատեսված գործառույթների արդյունավետ իրականացման համար անհրաժեշտ կոմպետենցիաներ
ՀԱՐԳԵԼԻ ԸՆԹԵՐՑՈՂ
Մարդկային ռեսուրսների կառավարման կոմպետենցիաների շրջանակների ձևավորման գործընթացում առանձնանում է առնվազն երկու մոտեցում: Մեկը կենտրոնանում է գիտելիքների տիրապետման կամ կոնկրետ մակարդակում տվյալ առաջադրանքը կատարելու հիմնավոր կարողության վրա, իսկ մյուսը կենտրոնանում է վարքային հատկանիշների վրա: Հանրային ոլորտում բազմաթիվ, իսկ այս դեպքում ժողովածուի մեջ ներառված կոմպետենցիաների շրջանակները ներառում են այս երկու մոտեցումների համադրությունները: «Քաղաքացիական ծառայության մասին» ՀՀ օրենքով կոմպետենցիան սահմանվել է որպես գիտելիքի, ունակության, հմտության և վարքագծի ամբողջություն: Մեր նախաձեռնությամբ կազմվել է ժողովածու, որը նպատակ ունի ապահովելու յուրաքանչյուր պաշտոնի անձնագրով սահմանված կոմպետենցիաների իմացությունը որպես գիտելիք: Կոմպետենցիաները բաժանվել են երկու մասի՝ ընդհանրական և ընտրանքային: Ժողովածուն ևս բաժանվել է երկու մասի, մաս առաջին՝ ընդհանրական կոմպետենցիաներ, մաս երկրորդ՝ ընտրանքային կոմպետենցիաներ: Առաջին մասում զետեղված ընդհանրական կոմպետենցիաներից կձևավորվեն թափուր պաշտոնների համալրման համար կազմակերպվող մրցույթների թեստային առաջադրանքները:
Առաջին մասում զետեղված կոմպետենցիաների մշակման գործին աջակցել են ԱՄՆ Միջազգային զարգացման գործակալությունը և հեղինակներ Դոկտոր Լեսլի Սամոզին - Կառավարման գիտությունների թեկնածու։ Բիզնես կառավարում ծրագրի ղեկավար, Շեֆիլդի համալսարան, Մեծ Բրիտանիա։ Յոանկա Յակուբեկ-Լալիկը - Իրավաբանական գիտությունների թեկնածու։ Վարշավայի համալսարանի իրավագիտության և վարչարարության ֆակուլտետի դասախոս, Լեհաստան։ Արտակ Ալոյանը - Միջազգային որակավորում ունեցող վերապատրաստող, Արտոնագրված կառավարման խորհրդատու, Հայաստան։ Ջենեթ Քայլին - Մարդկային ռեսուրսների միջազգային խորհրդատու, Մեծ Բրիտանիա։ Լիլիթ Հակոբյանը - ՄԲ Մարդկային ռեսուրսների կառավարման և զարգացման միջազգային կարգի փորձագետ։ CIPD թղթակից անդամ, Մեծ Բրիտանիա։ Մեր շնորհակալությունն ենք հայտնում ԱՄՆ Միջազգային զարգացման գործակալությանը և հեղինակներին՝ արդյունավետ համագործակցության համար:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԱՇԽԱՏԱԿԱԶՄԻ
ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԳՐԱՍԵՆՅԱԿ
ՄԱՍ ԱՌԱՋԻՆ
ԸՆԴՀԱՆՐԱԿԱՆ ԿՈՄՊԵՏԵՆՑԻԱՆԵՐ
