Սիրելի հայրենակիցներ,
Հայաստանի Հանրապետության կառավարության և անձամբ իմ անունից շնորհավորում եմ բոլորիս Բանակի օրվա առթիվ:
Մեր ազգային բանակը ստեղծվել է հազարավոր հայորդիների անկոտրում կամքի, բանակաշինության գործի նվիրյալների և հայ ժողովրդի միասնական ջանքերի շնորհիվ: Այս տարիների ընթացքում մեր բանակը գործով է ապացուցել իր մարտունակությունը, հանդիսանալով տարածաշրջանային անվտանգության ու կայունության կարևոր գործոն և շարունակում է վստահորեն ու պատվով կատարել իր առջև դրված խնդիրները: Հայոց բանակը նորանկախ Հայաստանի ամենակարևոր ձեռքբերումներից է, Հայաստանի Հանրապետության ու ազատագրված Արցախի ինքնիշխանության և անվտանգության երաշխավորը:
Կրկին շնորհավորում եմ մեր ժողովրդին, սպաներին ու զինվորներին՝ մեր հաղթանակած բանակի 24-րդ տարեդարձի կապակցությամբ, մաղթում խաղաղություն և բարեկեցություն: Փառք Հայոց բանակին:
Անցնել հիմնական բովանդակությանը