ՀՀ վարչապետ Անդրանիկ Մարգարյանը շնորհավորական ուղերձ է հղել Վրաստանի նորանշանակ վարչապետ Զուրաբ Նոգաիդելիին, որում, մասնավորապես, ասված է.

«Հարգարժան Զուրաբ Թեյմուրազի.

Հայաստանի Հանրապետության կառավարության և անձնամբ իմ անունից շնորհավորում եմ Ձեզ Վրաստանի վարչապետ նշանակելու կապակցությամբ:

Կարևորելով Վրաստանի և Հայաստանի միջև բազմակողմ կապերի զարգացումը, հուսով եմ, որ Ձեր գործունեությունն այդ բարձր պաշտոնում կնպաստի մեր ժողովուրդների դարավոր բարեկամության հետագա խորացմանն ու մեր պետությունների միջև փոխշահավետ համագործակցության ընդլայնմանը:

Մաղթում եմ Ձեզ քաջ առողջություն, երջանկություն և հաջողություններ Ձեր դժվարին գործունեության մեջ, իսկ Վրաստանի եղբայրական ժողովուրդին՝ խաղաղության, բարօրություն ու բարգավաճում»: