ՀՀ վարչապետ Անդրանիկ Մարգարյանի որոշմամբ Պարույր Կարապետյանը նշանակվել է Հայաստանի Հանրապետության կառավարությանն առընթեր պետական գույքի կառավարման վարչության պետի տեղակալ:

Համառոտ կենսագրական տվյալներ

Պարույր Կարապետյանը ծնվել է 1959թ., Սյունիքի մարզի Անգեղակոթ գյուղում:

1977-1980թթ. սովորել է Երևանի Սննդի արդյունաբերության տեխնիկումում, 1986-1991թթ. ընդունվել և ավարտել է Հայկական գյուղատնտեսական ինստիտուտի ագրոնոմիական ֆակուլտետը՝ ստանալով գիտնական-ագրոնոմի որակավորում:

Աշխատանքային գործունեությունն սկսել է 1980թ.՝ աշխատել է Երևանի Շահումյանի շրջանի «Անաստասավանի», և «Շահումյանի» անվան կոլտնտեսություններում: 1991-1998թթ. Երևանի «Սեբաստիա» հյուրանոցում աշխատել է որպես ավագ ադմինիստրատոր-տնօրեն: 1998-1999թթ. ընտրվել Երևան քաղաքի Աջափնյակ համայնքի ղեկավար, իսկ 1999-2003թթ.՝ ՀՀ ԱԺ 2-րդ գումարման պատգամավոր:

Ամուսնացած է, ունի երեք զավակ, անկուսակցական է: