ՀՀ վարչապետ Անդրանիկ Մարգարյանի որոշմամբ Գագիկ Վարդանյանն ազատվել է ՀՀ առևտրի և տնտեսական զարգացման նախարարի տեղակալի պաշտոնից:

Վարչապետի մեկ այլ որոշմամբ ՀՀ առևտրի և տնտեսական զարգացման նախարարի տեղակալ է նշանակվել Արայիկ Գրիգորյանը:

Համառոտ կենսագրական տվյալներ

Արայիկ Գրիգորյանը ծնվել է 1967թ., Երևան քաղաքում:

1994թ. ավարտել է Երևանի Ժողովրդական տնտեսության ինստիտուտը՝ ստանալով տնտեսագետի որակավորում:

1993-1996թթ. աշխատել է Երևանի Շահումյանի շրջխորհրդի գործկոմում՝ որպես բնակարանային ֆոնդի հաշվառման և բաշխման բաժնի տեսուչ, կոմունալ ձեռնարկության և բարեկարգման վարչության ավագ տնտեսագետ:

1997-1998թթ. եղել է Մալաթիա-Սեբաստիա թաղապետարանի առևտրի և տրանսպորտի սպասարկումների բաժնի պետի տեղակալ, 1998-1999թթ.՝ ՀՀ տարածքային կառավարման և օպերատիվ հարցերի նախարարի աշխատակազմի առաջատար մասնագետ, այնուհետև ՀՀ կառավարության աշխատակազմի տարածքային կառավարման և տեղական ինքնակառավարման վարչության գլխավոր մասնագետ:

1999-2001թթ. պաշտոնավարել է ՀՀ պետական եկամուտների նախարարությունում՝ որպես Այրում-Ջիլիզա մաքսակետի պետի տեղակալ, մաքսակետի պետ, ապա Գուգարքի տարածաշրջանային մաքսատան զննման բաժնի պետ:

2001-2005թթ. եղել է «Ուրարտու» առևտրաարտադրական կոմբինատի արտադրության գծով տնօրեն:

Ամուսնացած է, ունի երկու զավակ:

Անկուսակցական է: