ՀՀ վարչապետ Սերժ Սարգսյանն այսօր ընդունել է ԵԱՀԿ Մինսկի խմբի համանախագահներ Մեթյու Բրայզային, Բեռնար Ֆասյեին, Յուրի Մերզլյակովին, ԵԱՀԿ գործող նախագահի անձնական ներկայացուցիչ Անջեյ Կասպրչիկին և Եվրասիական հակամարտությունների գծով խորհրդատու Մայքլ Կարփենթերին:

Հանդիպման ընթացքում երկուստեք գնահատական է տրվել Լեռնային Ղարաբաղի հակամարտության կարգավորման բանակցային գործընթացին: Քննարկում է ծավալվել հակամարտող կողմերի միջև դեռևս առկա տարակարծությունների շուրջ:

ՀՀ վարչապետ Սերժ Սարգսյանի հետ հանդիպումից հետո, համանախագահները մեկնել են Ստեփանակերտ: