ՀՀ վարչապետ Տիգրան Սարգսյանի որոշմամբ, Համաշխարհային բանկի կողմից Հայաստանում իրականացվող տնտեսական ծրագրերի կատարման գործում ներդրած նշանակալի ավանդի համար, Համաշխարհային բանկի Եվրոպայի և Կենտրոնական Ասիայի տարածաշրջանի Հարավային Կովկասի երկրների բաժնի տնօրեն Դոննա Մ. Դաուսեթ-Կոիրոլոն պարգևատրվել է ՀՀ վարչապետի հուշամեդալով։
Այսօր երեկոյան «Գոլդեն Թուլիփ Երևան» հյուրանոցային համալիրում կազմակերպված միջոցառման ժամանակ ՀՀ վարչապետ Տիգրան Սարգսյանը հուշամեդալը հանձնել է տիկին Դոննա Մ. Դաուսեթ-Կոիրոլոյին, հրաժեշտից առաջ շնորհակալություն հայտնել համագործակցության համար և հույս հայտնել, որ այդ պաշտոնում նրան փոխարինող Ասադ Ալամի հետ ՀՀ կառավարության փոխգործակցությունը նույնպիսի արդյունավետությամբ կշարունակվի։