Այսօր վարչապետ Անդրանիկ Մարգարյանն այցելեց ՀՀ-ում ՌԴ սահմանապահ զորքերի օպերատիվ խմբի վարչություն՝ երկրի սահմանների պաշտպաններին շնորհավորելու սահմանապահի օրվա կապակցությամբ:

Վարչապետը մասնակցեց Հայաստանի Հանրապետության սահմանների պաշտպանության համար զոհվածների հիշատակը հավերժացնող հուշարձանի բացման հանդիսավոր արարողությանը:

Հայ և ռուս սահմանապահների սխրանքն ու բարեկամությունը խորհրդանշող այդ հուշարձանի բացումը, ըստ վարչապետի, սահմանների պաշտպանության գործում երկու երկրների միասնական ջանքերի արտացոլումն է: Այդ համատեղ գործակցությունը այսօր էլ մնում է կարևորագույն խնդիր: