ԱՃԹՆ-ի ներդրման գործընթացը վերահսկող՝ կառավարության, արդյունահանող կազմակեպությունների և քաղաքացիական հասարակության ներկայացուցիչներից կազմված ԱՃԹՆ-ի բազմաշահառու խմբի ձևավորումը համարվում է երկրի՝ ԱՃԹՆ-ին միանալու պարտադիր քայլերից մեկը: ԱՃԹՆ ԲՇԽ-ն պատասխանատու է ԱՃԹՆ-ին միանալու գործընթացի կառավարման համար, որի առաջնային նպատակն է` ապահովել Հայաստանի Հանրապետության ԱՃԹՆ-ին թեկնածությունը, այնուհետև՝ ԱՃԹՆ-ին համապատասխանությունը: Հայաստանի ԱՃԹՆ ԲՇԽ-ն պատասխանատու է ԱՃԹՆ-ին միանալու գործընթացի ուղղորդման, ներդրման, մոնիթորինգի, գնահատման և զարգացմանն ուղղված որոշումների կայացման համար: ԱՃԹՆ ԲՇԽ-ն պետք է երաշխավորի արդյունահանող ոլորտում իրազեկ հանրային երկխոսության կայացումը:
Հայաստանի ԱՃԹՆ ԲՇԽ-ն կազմված է կառավարության, հանքարդյունահանող կազմակեպությունների և քաղաքացիական հասարակության ներկայացուցիչներից: Հայաստանի ԱՃԹՆ ԲՇԽ-ի անդամների ընդհանուր թիվը 15-ն է, որից` 6 պետական գերատեսչությունների ներկայացուցիչներ, 4 հանքարդյունահանող կազմակերպությունների ներկայացուցիչներ, 4 քաղաքացիական հասարակության ներկայացուցիչներ և 1 գիտության ոլորտի ներկայացուցիչ:
ՀՀ ԱՃԹՆ ԲՇԽ-ի անդամների ընտրության ընթացակարգերը
Հայաստանի Հանրապետության հանքարդյունահանող կազմակերպությունների և քաղաքացիական հասարակության ներկայացուցիչներն անկախ կարգով ընտրել և առաջադրել են ԲՇԽ-ում իրենց խմբակցությունները ներկայացնող անդամների թեկնածուներին:
ՀՀ ԱՃԹՆ ԲՇԽ-ի հանքարդյունաբերության ոլորտի կազմակերպությունները ներկայացնող անդամների թեկնածուների ընտրության ընթացակարգը
Հանքարդյունաբերության ոլորտի կազմակերպությունները Հայաստանի ԱՃԹՆ ԲՇԽ-ում իրենց խմբակցության անդամների թեկնածուներին առաջադրել են 2016 թվականի մարտի 1-ին:
Հանքարդյունաբերության ոլորտի կազմակերպությունների՝ իրենց խմբակցությունը ներկայացնող անդամների թեկնածուների ընտրության վերաբերյալ գրություն
ՀՀ ԱՃԹՆ ԲՇԽ-ի քաղաքացիական հասարակությունը ներկայացնող անդամների թեկնածուների ընտրության ընթացակարգը
Քաղաքացիական հասարակությունը Հայաստանի ԱՃԹՆ ԲՇԽ-ում իրենց խմբակցության անդամների թեկնածուներին (ներառյալ գիտության ոլորտը ներկայացնող անդամը) առաջադրել են 2016 թվականի հունիսի 14-ին:
Քաղաքացիական հասարակության և գիտության ոլորտի՝ իրենց խմբակցությունը ներկայացնող անդամների թեկնածուների ընտրության վերաբերյալ գրություն
Քաղաքացիական հասարակության և գիտության ոլորտի՝ իրենց խմբակցությունը ներկայացնող անդամի թեկնածուի փոփոխության վերաբերյալ գրություն
ՀՀ ԱՃԹՆ ԲՇԽ-ի անդամներ
Դավիթ Հարությունյան - ՀՀ կառավարության աշխատակազմի ղեկավար-նախարար, ՀՀ ԱՃԹՆ ԲՇԽ-ի նախագահ
Կարեն Իսախանյան - ՀՀ տարածքային կառավարման և զարգացման նախարարի տեղակալ
Տիգրան Խաչատրյան - ՀՀ տնտեսական զարգացման և ներդրումների նախարարի տեղակալ
Դավիթ Անանյան - ՀՀ ֆինանսների նախարարի տեղակալ
Խաչիկ Հակոբյան - ՀՀ բնապահպանության նախարարի տեղակալ
Վարդան Գևորգյան - ՀՀ էներգետիկ ենթակառուցվածքների և բնական պաշարների նախարարի տեղակալ
Պերճ Խաչատրյան - «Զանգեզուրի պղնձամոլիբդենային կոմբինատ» ՓԲԸ-ի իրավական աջակցության ծառայության պետ
Վահե Վարդանյան - «Գեոմայնինգ» սահմանափակ պատասխանատվությամբ ընկերության փոխտնօրեն
Արմեն Ստեփանյան - «Լիդիան Արմենիա» ՓԲԸ-ի կայուն զարգացման գծով ավագ կառավարիչ
Արթուր Նիկողոսյան - «Ագարակի պղնձամոլիբդենային կոմբինատ» ՓԲԸ-ի գլխավոր տնօրենի խորհրդական
Սոնա Այվազյան - «Թրանսփարենսի Ինթերնեշնլ» հակակոռուպցիոն կենտրոնի գործադիր տնօրեն
Արթուր Գրիգորյան - «Էկոիրավունք» հասարակական կազմակերպության նախագահ
Էրիկ Գրիգորյան - Բնապահպան իրավաբանների և տնտեսագետների երիտասարդական ասոցիացիայի համանախագահ
Ինգա Զարաֆյան - «Էկոլուր» տեղեկատվական հասարակական կազմակերպության նախագահ
Հարություն Մովսիսյան - Երևանի պետական համալսարանի Կայուն զարգացման կենտրոնի փորձագետ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՃԹՆ-Ի 2017-2018 ԹՎԱԿԱՆՆԵՐԻ ԱՇԽԱՏԱՆՔԱՅԻՆ ԾՐԱԳԻՐ
