հինգշաբթի, 17 ապրիլի 2008
ՀՀ վարչապետի պաշտոնում նշանակվելու առիթով, Տիգրան Սարգսյանին շնորհավորական ուղերձ է հղել արգենտինահայ գործարար Էդուարդո Էռնեկյանը: Ուղերձում, մասնավորապես, ասված է.
«Հարգելի պարոն Սարգսյան,
Շնորհավորում եմ Ձեզ Հայաստանի Հանրապետության վարչապետի պաշտոնում նշանակվելու կապակցությամբ։
Կասկած չունեմ, որ Ձեր ղեկավարությամբ ՀՀ կառավարությունը կկարողանա խորացնել տնտեսական աճը՝ արձանագրելով առավել մեծ հաջողություններ։ Նախկինում ես առիթ եմ ունեցել համագործակցելու Ձեզ հետ տարբեր նախագծերի շուրջ։ Այս առիթով ցանկանում եմ վերահաստատել իմ երկարաժամկետ հանձնառությունը՝ մասնակցել երկրի առանցքային ոլորտների զարգացմանը և սատարել կառավարության տնտեսական քաղաքականությանը»։
